早前接到大地之友求助，有關租車公司向佢地索償7000kr。事緣呢位大地之友喺開車時唔小心刮花左架車，令車身留低左一大條刮痕。但離開香港嘅時候係早機，匆忙之下未有機會交代，急急腳放低架車就要去機場，諗住返到香港send email 解釋，但已經收到租車公司嘅電郵要求賠償。後尾大地之子幫佢睇過租車嘅合約，再上租車公司網站搵到相關保險條款，發現佢地有買 self risk insurance,，倘若發生事故，租車人士只需支付全數嘅自付免賠金額2000kr，而餘下嘅金額會由保險公司支付。最後呢位大地之友就免去左大額嘅賠償啦😊喺呢件事上，有幾點要留意：
1. 法羅嘅租車公司好早關門，過左辦公時間就無人，所以租車嘅時候一定要同佢地講明你落機時間，等佢安排人手。我上年婚禮嘅時候幫朋友租左架車。但係朋友夜機，黎到已經關左門，我地發現泊喺度嘅車全部開晒車門，我地係狂風中嘗試搵出我地想租嘅車，諗住租車公司將車匙收喺某個位，點知係無嘅。最後上公司網站，搵佢d員工電話，逐個打，最後係太子女開車後送條車匙畀我地🤣所以除左溝通好攞車時間，仲要記低聯絡電話，萬一孩機延誤都可以聯絡到租車公司。而好多時候，亦好似呢位大地之友咁，還車嘅時候太早係無職員嘅，所以都係最好事先問定還車嘅手續。
2. 另一點就係喺法羅開車要好小心。呢位大地之友刮花車係因為佢喺一條好窄嘅路開緊車，迎面又有另一架車開緊過黎，於是佢地要退後避車，而當時佢地身後仲有兩架車，於是避車處得返好少位，就咁架車被公路圍欄刮花左啦。其實法羅有好多呢d窄小嘅路，有d仲要喺黑媽媽嘅隧道入面，所以一定要打醒十二分精神，留意有無對頭車同身後有無車。
3. 老套講句：「一定要買保險」因為法羅天氣太唔穩定，公路又喺山邊，時不時會有山石滾落路面，加上全年落雨，地面濕滑，冬天又落雪，地面好跣。仲有法羅真係好多羊通處走。佢地好鐘意突然衝出公路，然後慢條斯理咁橫過，意外好易發生。所以真係好需要買份保險架！
今次分享住咁多先，我記得前排有大地之友問我法羅開車有咩要注意，但係湊仔真係太忙，到我記得覆佢又搵唔返佢出黎😭唔好意思。所以遲d我一次過寫一篇法羅開車注意事項同大地之友們分享啦😊不過畀d時間我🙏🏻
*隨post附上燒賣乘車照
---------------------------------------------------
❤️我從九龍半島搬到法羅群島出左網頁啦！想知道更多法羅群島旅遊資訊或者想分享法羅群遊記，記得去 www.whereisfaroeislands.com
❤️如果想睇更多大地之嫂同大地之子嘅無聊小故事，大家記得去我個page度較返See first 呀！
❤️仲有要記得follow埋ig: whereisfaroeislands ，
https://www.instagram.com/whereisfaroeislands
Search